青春十八姑娘

《青春十八姑娘》Tshing-tshun Tsa̍p-peh Koo-niû
文夏Bûn-hā
——————————————
男)
小姑娘笑微微
sió-koo-niû tshiò bî-bî
你的行路也輕鬆
lí ê kiânn-lōo iā khin-sang
到底有啥好的代誌
tàu-tué ū siánn hó ê tāi-tsì
你講來聽一下
lí kóng lâi thiann–tsi̍t-ē
女)
阮就是小姑娘
gún tsiū-sī sió-koo-niû
今仔日正是
kia̋nn-ji̍t tsiànn-sī
阮的十八的生日
gún ê tsa̍p-peh ê sinn-ji̍t
阮想欲來去街市
gún siūnn-beh lâi-khì ke-tshī
揣一个好情郎
tshuē tsi̍t-ê hó tsîng-lông
男)
好情郎真歹揣
hó tsîng-lông tsin pháinn tshē
有錢少爺真風流
ū-tsînn siàu-iâ tsin hong-liû
若嫁予無錢的少年
nā kè hōo bô-tsînn ê siàu-liân
愛綴伊來艱苦
ài tuè i lâi kan-khóo
女)
啥艱苦阮無驚
siánn kan-khóo gún bô kiann
上驚情郎
siōng kiann tsîng-lông
對阮的情無全心
tuì gún ê tsîng bô tsuân-sim
希望伊對阮愛情
hi-bāng i tuì gún ài-tsîng
永遠永遠無變
íng-uán íng-uán bô piàn
男)
小姑娘好身段
sió-koo-niû hó sin-tuānn
喙鼻目耳都分明
tshuì-phīnn ba̍k-ní to hun-bîng
行著路真真的苗條
kiânn tio̍h lōo tsin-tsin ê biâu-tiâu
會得著人人愛
ē tit-tio̍h lâng-lâng ài
女)
多謝你好褒獎
to-siā lí hó po-tsióng
不過看人
put-kò khuànn-lâng
最好毋通蓋表面
tsuè-hó m̄-thang kài piáu-bīn
做人的第一要緊
tsuè-lâng ê tē-it iàu-kín
是誠心佮實意
sī sîng-sim kah si̍t-ì
男)
小姑娘好心情
sió-koo-niû hó sim-tsîng
毋知你肯抑毋肯
m̄-tsai lí khíng ia̍h m̄-khíng
你若會做我的太太
lí nā ē tsuè guá ê thài-thài
我一生疼惜你
guá it-sing thiànn-sioh lí
女)
做太太無問題
tsuè thài-thài bô būn-tê
希望你來
hi-bāng lí lâi
對阮的情永無變
tuì gún ê tsîng íng bô piàn
請你來對天立誓
tshiánn lí lâi tuì thinn li̍p-sè
阮就會嫁予你
gún tsiū ē kè hōo lí
合)
兩人愛情永無變
nn̄g-lâng ài-tsîng íng bô piàn
永遠來相愛
íng-uán lâi siong-ài
希望親像鴛鴦
hi-bāng tshin-tshiūnn uan-iunn
相好做伴無分離
siong-hó tsò-phuānn bô hun-lî