荔鏡記
《荔鏡記》Lē-kìng-kì
陳吟Tân Gîm(泉州)
蘇世洪Soo Sè-hông(泉州南安康美)
——————————————
想起彼一年
siūnn-khí hit tsi̍t-nî
正月點燈見君面
tsiann–ge̍h tiám-ting kìnn kun bīn
兩人相見心歡喜
nn̄g-lâng sann-kìnn sim huann-hí
從此為君來相思
tsiông-tshír uī kun lâi siunn-si
六月熱天時
la̍k–ge̍h lua̍h-thinn sî
五娘樓頂食荔枝
Gōo-niû lâu-tíng tsia̍h nuī-tsi
郎君騎馬樓前過
lông-kun khiâ-bé lâu-tsiân kuè
攑起荔枝拋予伊
kia̍h khí nuī-tsi phau hōo i
郎君有情義
lông-kun ū tsîng-gī
摔破寶鏡甘賣身
sak-phuà pó-kiànn kam buē-sin
無奈權貴來逼婚
bû-nāi kuân-kuì lâi piak-hun
兩人出走奔光明
nn̄g-lâng tshut-tsáu phun kong-bîng
攑香告神明
kia̍h hiunn kò sîn-bîng
兩人緣份求保庇
nn̄g-lâng iân-hūn kiû pó-pì
陳三五娘有情義
Tân-sann Gōo-niû ū tsîng-gī
從今相隨不分開
tsiông-kim siong-suî put hun-khui
—
從今相隨不分開
tsiông-kim siong-suî put hun-khui
