臺北冷清清
《臺北冷清清》Tâi-pak Líng-tshing-tshing
林久登Lîm Kiú-ting
——————————————
今夜的臺北市
kim-iā ê Tâi-pak-tshī
冷冷清清
líng-líng-tshing-tshing
你敢也有
lí kám iā ū
看見阮的心情
khuànn-kìnn gún ê sim-tsîng
雖然是鬱悶的心
sui-jiân sī ut-būn ê sim
袂平靜
buē pîng-tsīng
熱情換來冰冷
jia̍t-tsîng uānn lâi ping-líng
今夜的臺北市
kim-iā ê Tâi-pak-tshī
冷冷清清
líng-líng-tshing-tshing
你敢也有
lí kám iā ū
疼惜阮的心情
thiànn-sioh gún ê sim-tsîng
無聊的山盟海誓
bô-liâu ê san-bîng hái-sè
已經變形
í-king piàn-hîng
怨嘆愛情
uàn-thàn ài-tsîng
起風湧
khí hong-íng
臺北今夜又閣冷清清
Tâi-pak kim-iā iū-koh líng-tshing-tshing
只賰稀微暗淡的路燈
tsí tshun hi-bî àm-tām ê lōo-ting
臺北今夜又閣冷清清
Tâi-pak kim-iā iū-koh líng-tshing-tshing
揣無昔日熱戀心情
tshuē-bô sik-ji̍t jia̍t-luân sim-tsîng
臺北今夜又閣冷清清
Tâi-pak kim-iā iū-koh líng-tshing-tshing
行踮中山北路的路頂
kiânn tiàm Tiong-san-pak-lōo ê lōo-tíng
臺北今夜又閣冷清清
Tâi-pak kim-iā iū-koh líng-tshing-tshing
只賰阮回想纏綿愛情
tsí tshun gún huê-sióng tînn-mî ài-tsîng
臺北今夜孤單冷清清
Tâi-pak kim-iā koo-tuann líng-tshing-tshing
