老男人
《老男人》Lāu Lâm-jîn
竹間也Tik-kan-iā
——————————————
上了歲數的查埔人
tsiūnn liáu huè-sòo ê tsa-poo-lâng
面上的滄桑
bīn-siōng ê tshong-song
攏是日子磨過的傷
lóng-sī ji̍t-tsí buâ–kuè ê siong
真心的話無地講
tsin-sim ê uē bô-tè kóng
所有悲傷
sóo-ū pi-siong
攏藏佇心中
lóng tshàng tī sim-tiong
命運從來無插
miā-ūn tsiông-lâi bô-tshap
咱有偌倔強
lán ū guā ku̍t-kiông
少年時咱有偌勇
siàu-liân-sî lán ū guā ióng
啥人無理想
siánn-lâng bô lí-sióng
擔砂填海
tann sua thiām hái
嘛一直衝
mā it-ti̍t tshiong
輸贏總是到最後
su-iânn tsóng-sī kàu tsuè-āu
才來品英雄
tsiah lâi phín ing-hiông
偏偏這馬才知影
phian-phian tsit-má tsiah tsai-iánn
當初咱有偌戇
tong-tshoo lán ū guā gōng
拚死做活
piànn-sí tsuè-ua̍h
就是欲予厝內有笑容
tiō-sī beh hōo tshù-lāi ū tshiò-iông
誰知影我的表面
siáng tsai-iánn guá ê piáu-bīn
著愛激甲偌堅強
tio̍h-ài kik kah guā kian-kiông
暗崁的目屎
àm-khàm ê ba̍k-sái
吞落的姑不將
thun–lo̍h ê koo-put-tsiong
一坎一隙
tsi̍t-khám tsi̍t-khik
攏刻佇阮皺痕中
lóng khik tī gún jiâu-hûn tiong
最後的悲喜
tsuè-āu ê pi-hí
敢有人會感動
kám ū-lâng ē kám-tōng
