懺悔的目屎
《懺悔的目屎》Tshàm-hué ê Ba̍k-sái
方啟明Png Khé-bîng
——————————————
啥人知我的愛
siánn-lâng tsai guá ê ài
啥人知我心內
siánn-lâng tsai guá sim-lāi
只有雨聲才了解
tsí-ū hōo-siann tsiah liáu-kái
我痴心的錯誤
guá tshi-sim ê tshò-gōo
我痴心的糊塗
guá tshi-sim ê hôo-tôo
無意中才變歹
bô-ì-tiong tsiah piàn pháinn
閃爍的天星猶原在
siám-sih ê thinn-tshinn iu-guân tsāi
每粒像愛人仔等待的目屎
muí-lia̍p tshiūnn ài-jîn-á tán-thāi ê ba̍k-sái
深更的露水滴落來
tshim-kinn ê lōo-tsuí tih–lo̍h-lâi
每粒像我每日懺悔的目屎
muí-lia̍p tshiūnn guá muí-ji̍t tshàm-hué ê ba̍k-sái
心愛的請諒解
sim-ài–ê tshiánn liōng-kái
我決心欲來改
guá kuat-sim beh lâi kái
為你我重新閣再來
uī lí guá tiông-sin koh-tsài lâi
