深情難捨

《深情難捨》Tshim-tsîng Lân-siá
文光Bûn-kong(李文龍Lí Bûn-liông)
——————————————
若是來流出珠淚
nā sī lâi lâu-tshut tsu-luī
會得解悲哀
ē-tit kái pi-ai
我一定無顧一切
guá it-tīng bô-kòo it-tshè
盡量哭出來
tsīn-liōng khàu–tshut-lâi
世間苦戀的滋味
sè-kan khóo-luân ê tsu-bī
只有阮今日
tsí-ū gún kim-ji̍t
來試著伊
lâi tshì-tio̍h i
痛苦才會了解
thòng-khóo tsiah ē liáu-kái
燒酒若會得
sio-tsiú nā ē-tit
解消心內的苦痛
kái-siau sim-lāi ê khóo-thàng
我也欲啉予茫茫
guá iā beh lim hōo bâng-bâng
毋願目箍紅
m̄-guān ba̍k-khoo âng
怎樣我愈啉愈沉重
tsuánn-iūnn guá jú lim jú tîm-tāng
酒杯內
tsiú-pue lāi
又閣浮出著伊
iū-koh phû-tshut tio̍h i
痛苦的彼个人
thòng-khóo ê hit ê lâng
用盡著一切刺激
iōng-tsīn tio̍h it-tshè tshì-kik
猶原無希望
iu-guân bô hi-bāng
用盡了一切希望
iōng-tsīn liáu it-tshè hi-bāng
猶原了戇工
iu-guân liáu gōng-kang
明明知
bîng-bîng tsai
愛情無希望
ài-tsîng bô hi-bāng
為怎樣
uī-tsuánn-iūnn
我偏偏來行入
guá phian-phian lâi kiânn ji̍p
苦戀的無尾巷
khóo-luân ê bô-bué-hāng

您可能也會喜歡…

跳至工具列