戲弄人生
《戲弄人生》Hì-lāng Jîn-sing
孫淑媚Sun Siok-bī
——————————————
雄雄半暝來精神
hiông-hiông puànn-mî lâi tsing-sîn
看見窗外月光明
khuànn-kìnn thang-guā gue̍h-kong bîng
等待幸福的春天
tán-thāi hīng-hok ê tshun-thinn
已經離開阮身邊
í-king lī-khui gún sin-pinn
人生舞臺一齣戲
jîn-sing bú-tâi tsi̍t-tshut hì
戲齣搬煞賰啥物
hì-tshut puann suah tshun siánn-mih
結局好䆀目一𥍉
kiat-kio̍k hó-bái ba̍k tsi̍t-nih
含淚帶笑免怨天
hâm-luī tài-tshiàu bián uàn thinn
遠遠聽見有人叫阮的名
hn̄g-hn̄g thiann-kìnn ū-lâng kiò gún ê miâ
為啥人艱苦
uī siánn-lâng kan-khóo
為啥人疼
uī siánn-lâng thiànn
夢醒無人陪阮做陣行
bāng-tshínn bô-lâng puê gún tsuè-tīn kiânn
悲歡離合
pi-huan lî-ha̍p
是阮的命
sī gún ê miā
