慷慨仙
《慷慨仙》Khóng-khài-sian
呂敏郎Lū Bín-lông
——————————————
阮做人實在
gún tsuè-lâng si̍t-tsāi
嘿!真慷慨
heh! tsin khóng-khài
唷阮若無講
iooh gún nā bô kóng
恁毋知
lín m̄-tsai
踮深山今出來
tiàm tshim-suann tann tshut-lâi
毋是一个戇大呆
m̄-sī tsi̍t-ê gōng tuā tai
阮對啥人也無䆀
gún tuì siánn-lâng iā bô bái
厝邊頭尾凊凊彩
tshù-pinn-thâu-bué tshìn-tshìn-tshái
看啥人若有欲寶貝
khuànn siánn-lâng nā ū beh pó-puè
借恁無啥代
tsioh lín bô-siánn tāi
唷無咧落下頦
iooh bô teh làu-ē-hâi
唷無咧落下頦
iooh bô teh làu-ē-hâi
阮做人實在
gún tsuè-lâng si̍t-tsāi
嘿!袂亂來
heh! buē luān-lâi
唷阮若恬恬無人知
iooh gún nā tiām-tiām bô-lâng tsai
萬寶袋提出來
bān-pó-tē the̍h–tshut-lâi
袋內全是張機械
tē-lāi tsuân sī tiunn ki-hâi
千變萬化真厲害
tshian-piàn-bān-huà tsin lī-hāi
助人騰雲佮鑽海
tsōo lâng thîng-hûn kah tsǹg-hái
又過助人逐家發財
iū kuè tsōo lâng ta̍k-ke huat-tsâi
這款遮慷慨
tsit khuán tsiah khóng-khài
唷加減仔做奴才
iooh ke-kiám-á tsuè lôo-tsâi
唷加減仔做奴才
iooh ke-kiám-á tsuè lôo-tsâi
阮姓閒名叫
gún sènn îng miâ kiò
嘿!慷慨仙
heh! khóng-khài-sian
唷踮在東西南北天
iooh tiàm-tsāi tang-sai-lâm-pak thian
天天樂樂天天
thian-thian lo̍k lo̍k thian-thian
普遍古錐有人緣
phóo-phiàn kóo-tsui ū-lâng-iân
人人都愛慷慨仙
lâng-lâng to ài khóng-khài-sian
金銀財寶看無現
kim-gîn tsâi-pó khuànn bô-hiān
願助善良君子
guān tsōo siān-liông kun-tsú
好人通通去發展
hó-lâng thong-thong khì huat-tián
唷清心過一生
iooh tshing-sim kuè it-sing
唷清心過一生
iooh tshing-sim kuè it-sing
