鐘聲淚痕
《鐘聲淚痕》Tsing-siann Luī-hûn
邱蘭芬Khu Lân-hun
——————————————
鐘聲響亮心歡喜
tsing-siann hiáng-liāng sim huann-hí
無疑風波起
bô-gî hong-pho khí
被人陷害
pī-lâng hām-hāi
身中懷胎離開你
sin-tiong huâi-thai lī-khui lí
茫茫人海
bông-bông jîn-hái
何從何去
hô-tsiông hô-khì
斷腸心碎
tuān-tn̂g sim tshuì
一切為你
it-tshè uī lí
鐘聲替阮訴哀悲
tsing-siann thè gún sòo ai-pi
鐘聲響亮帶悲意
tsing-siann hiáng-liāng tài pi-ì
引阮心傷悲
ín gún sim siong-pi
鐘聲響起
tsing-siann hiáng-khí
可憐囝兒落地時
khó-lîn kiánn-jî lo̍h-tē sî
一半歡喜
tsi̍t-puànn huann-hí
一半哀悲
tsi̍t-puànn ai-pi
傷心抱著可愛囝兒
siong-sim phō tio̍h khó-ài kiánn-jî
悲喜珠淚粒粒滴
pi-hí tsu-luī lia̍p-lia̍p tih
鐘聲響亮帶稀微
tsing-siann hiáng-liāng tài hi-bî
引阮心空虛
ín gún sim khang-hi
敢是天意
kám-sī thian-ì
迫阮母囝拆分離
pik gún bú-kiánn thiah hun-lî
毋知何日
m̄-tsai hô-ji̍t
毋知何時
m̄-tsai hô-sî
才會揣著可愛囝兒
tsiah ē tshē-tio̍h khó-ài kiánn-jî
鐘聲樹下再相依
tsing-siann tshiū-ē tsài siong-i
