失去的愛
《失去的愛》Sit–khì ê Ài
蔡孟蓉Tshuà Bīng-iông
——————————————
明知愛你不應該
bîng-tsai ài lí put-ing-kai
偏偏對你來痴愛
phian-phian tuì lí lâi tshi-ài
雖然咱是無緣份
sui-jiân lán sī bô iân-hūn
我也真了解
guá iā tsin liáu-kái
每日思情流目屎
muí-ji̍t su-tsîng lâu ba̍k-sái
看破的愛
khuànn-phuà ê ài
看破的愛
khuànn-phuà ê ài
叫我怎樣來忍耐
kiò guá tsánn-iūnn lâi jím-nāi
滿腹痛苦啥人知
muá-pak thòng-khóo siánn-lâng tsai
已經失去的愛
í-king sit–khì ê ài
明知愛你不應該
bîng-tsai ài lí put-ing-kai
偏偏佮你談戀愛
phian-phian kah lí tâm-luân-ài
一年見面無幾擺
tsi̍t-nî kìnn-bīn bô kuí-pái
愈想愈悲哀
jú siūnn jú pi-ai
每日思情流目屎
muí-ji̍t su-tsîng lâu ba̍k-sái
難忘的彼段情愛
lân-bōng ê hit tuānn tsîng-ài
叫我看破來忍耐
kiò guá khuànn-phuà lâi jím-nāi
滿腹痛苦啥人害
muá-pak thòng-khóo siánn-lâng hāi
已經失去的愛
í-king sit–khì ê ài
