Oo-bá-sáng小姐
《Oo-bá-sáng小姐》Oo-bá-sán Sió-tsiá
黃三元N̂g Sam-guân
——————————————
阮隔壁一个姑娘
gún keh-piah tsi̍t-ê koo-niû
人人叫伊oo-bá-sáng 小姐
lâng-lâng kiò i oo-bá-sáng sió-tsiá
啊~有啦有啦
ah~ ū–lah ū–lah
伊不時妝甲媠媠
i put-sî tsng kah suí-suí
面抹芳粉
bīn buah phang-hún
喙脣紅記記
tshuì-tûn âng-kì-kì
無想伊家己
bô siūnn i ka-kī
已經是四十減二
í-king sī sì-tsa̍p kiám jī
有一日媒人婆仔
ū-tsi̍t-ji̍t muê-lâng-pô–á
欲來共伊做親情
bueh lâi kā-i tsò-tshin-tsiânn
啊~有啦有啦
ah~ ū–lah ū–lah
伊講伊老翁毋嫁
i kóng i lāu ang m̄ kè
欲揣一个
bueh tshuē tsi̍t-ê
青春少年家
tshing-tshun siàu-liân-ke
予我聽一个
hōo guá thiann tsi̍t-ê
險險就笑破腹肚皮
hiám-hiám tiō tshiò-phuà pak-tóo phuê
好朋友我來介紹
hó-pêng-iú guá lâi kài-siāu
啥人若是有佮意
siánn-lâng nā sī ū kah-ì
啊~我啦我啦
ah~ guá–lah guá–lah
伊甘願田園厝地
i kam-guān tshân-hn̂g tshù-tē
母仔囝也規陣佮予你
bú-á-kiánn iā kui-tīn kah hōo lí
哎唷!阮會驚
aih-ioh! gún ē kiann
莫莫唷
mài mài–iooh
oo-bá-sáng 小姐
oo-bá-sáng xiǎojiě
