哪有啥稀罕
《哪有啥稀罕》Ná-ū Siánn Hi-hán
莊淑君Tsng Siok-kun
——————————————
無需要對我
bô su-iàu tuì guá
講甲遐爾濟
kóng kah hiah-nī tsē
我袂閣再為你痴迷
guá bē koh-tsài uī lí tshi-bê
像你這款人
tshiūnn lí tsit khuán lâng
哪有啥稀罕
ná-ū siánn hi-hán
予我愈想愈怨嘆
hōo guá jú siūnn jú uàn-thàn
當時初熟似
tong-sî tshoo si̍k-sāi
是我對你無了解
sī guá tuì lí bô liáu-kái
才會予你騙毋知
tsiah ē hōo lí phiàn m̄-tsai
戀愛著互相先了解
luân-ài tio̍h hōo-siong sing liáu-kái
毋通烏白來
m̄-thang oo-pe̍h-lâi
