為愛乾杯
《為愛乾杯》Uī Ài Kan-pue
錢澄Tsînn Tîng
——————————————
情路萬丈深坑
tsîng-lōo bān-tn̄g tshim-khenn
勇敢的人無惜一切
ióng-kám ê lâng bô-sioh it-tshè
付出任何代價
hù-tshut jīm-hô tāi-kè
換袂著挽回的機會
uānn buē-tio̍h bán-huê ê ki-huē
猶原袂死心毋願醒
iu-guân buē sí-sim m̄-guān tshénn
滿身傷痕求天問地
buán sin siong-hûn kiû-thinn mn̄g-tē
愛是意亂情迷
ài sī ì luān tsîng bê
有情的人起手無回
ū-tsîng ê lâng khí-tshiú bô-huê
風雨的經過
hong-hōo ê king-kuè
才知影真心難揣
tsiah tsai-iánn tsin-sim lân tshuē
堅定的愛情像梅花
kian-tīng ê ài-tsîng tshiūnn muî-hue
愈冷愈寒愈開花
jú líng jú kuânn jú khui-hue
看別人
khuànn pa̍t-lâng
歡歡喜喜為愛乾杯
huann-huann-hí-hí uī ài kan-pue
才知山盟海誓的美麗
tsiah tsai san-bîng hái-sè ê bí-lē
拍開思念的謎題
phah-khui su-liām ê bē-tê
真愛鎖踮情內底
tsin-ài só tiàm tsîng lāi-té
無你的人生
bô lí ê jîn-sing
彩色變烏白
tshái-sik piàn oo-pe̍h
暗淡心情
àm-tām sim-tsîng
無人體會
bô-lâng thé-huē
因為除了你
in-uī tû-liáu lí
有啥人會當代替
ū siánn-lâng ē-tàng tāi-thè
