啥物是友情
《啥物是友情》Siánn-mih Sī Iú-tsîng
林文隆Lîm Bûn-liông
——————————————
茫茫人海航程
bông-bông jîn-hái hâng-tîng
何處才有光明
hô-tshù tsiah ū kong-bîng
希望朋友牽成
hi-bāng pîng-iú khan-sîng
創造美滿的人生
tshòng-tsō bí-buán ê jîn-sing
不幸是你的一生
put-hīng sī lí ê it-sing
有時刻變化的環境
ū sî-khik piàn-huà ê khuân-kíng
真真假假是別人的心
tsin-tsin ké-ké sī pa̍t-lâng ê sim
你敢知影啥物是友情
lí kám tsai-iánn siánn-mih sī iú-tsîng
友情啊友情
iú-tsîng–ah iú-tsîng
雖然你予我一片的熱誠
sui-jiân lí hōo guá it-phiàn ê jia̍t-sîng
為啥物為啥物
uī-siánn-mih uī-siánn-mih
閣叫我為你犧牲
koh kiò guá uī lí hi-sing
友情啊友情
iú-tsîng–ah iú-tsîng
雖然你前日是我的航燈
sui-jiân lí tsiân-ji̍t sī guá ê hâng-ting
為啥物為啥物
uī-siánn-mih uī-siánn-mih
閣害我奔波袂停
koh hāi guá pun-pho buē-thîng
朋友啊朋友
pîng-iú–ah pîng-iú
朋友啊朋友
pîng-iú–ah pîng-iú
咱著愛意志堅定
lán tio̍h-ài ì-tsì kian-tīng
毋通被烏色的友情
m̄-thang pī oo-sik ê iú-tsîng
耽誤著
tam-ngōo tio̍h
耽誤著咱的一生
tam-ngōo tio̍h lán ê it-sing
