閣再一擺
《閣再一擺》Koh-tsài Tsi̍t-pái
蔡以真Tshuà Í-tsin(蔡麗津Tshuà Lē-tin)
——————————————
怎樣忍受你的愛
tsuánn-iūnn jím-siū lí ê ài
一心一意等你來
it-sim-it-ì tán lí lâi
有若無的愛誰會知
ū ná bô ê ài siáng ē tsai
掠袂著你心的存在
lia̍h buē-tio̍h lí sim ê tsûn-tsāi
昨暝的失落的我的唚
tsa-mî ê sit-lo̍h ê guá ê tsim
誰知是幸福抑是悲哀
siáng tsai sī hīng-hok ia̍h-sī pi-ai
酸酸的苦苦的我的心
sng-sng ê khóo-khóo ê guá ê sim
毋敢欺瞞
m̄-kánn khi-muâ
你怎感受袂來
lí tsuánn kám-siū buē-lâi
閣再一擺
koh-tsài tsi̍t-pái
試探你的愛
tshì-thàm lí ê ài
你無留我
lí bô lâu guá
就走揣新愛
tiō tsáu-tshuē sin ài
虛偽的愛
hi-guī ê ài
就從此Say Goodbye
tiō tsiông-tshú Say Goodbye
