孝女的心聲
《孝女的心聲》Hàu-lú ê Sim-siann
今冠陵Kim Kuàn-lîng
——————————————
又是日落黃昏時
iū sī ji̍t lo̍h hông-hun sî
五色彩雲罩半天
ngóo-sik tshái-hûn tà puànn-thinn
遙遠傳來鴻雁啼
iâu-uán thuân-lâi hông-gān thî
引阮思念母親你
ín gún su-liām bú-tshin lí
一時賭氣恬恬離開
tsi̍t-sî tóo-khì tiām-tiām lī-khui
到底你是佗位去
tàu-tué lí sī tó-uī khì
放捒著阮小小年紀
pàng-sak tio̍h gún sió-sió nî-kí
暝日想你心哀悲
mî-ji̍t siūnn lí sim ai-pi
無情風雨落規暝
bô-tsîng hong-hōo lo̍h kui-mî
加添阮的心內悲
ka-thiam gún ê sim-lāi pi
思念母親目屎滴
su-liām bú-tshin ba̍k-sái tih
時常夢中來夢見
sî-siông bāng-tiong lâi bāng–kìnn
請你趕緊回心轉意
tshiánn lí kuánn-kín huê-sim tsuán-ì
轉來阮的身軀邊
tńg-lâi gún ê sin-khu-pinn
做囝的我有孝你
tsuè-kiánn ê guá iú-hàu lí
過著幸福的日子
kuè tio̍h hīng-hok ê ji̍t-tsí
