何日花再開
《何日花再開》Hô-ji̍t Hue Tsài Khai
楊雅卉Iûnn Ngá-huì
——————————————
若想起心愛的人
nā siūnn-khí sim-ài ê lâng
目箍漸漸紅
ba̍k-khoo tsiām-tsiām âng
為著你走盡天涯
uī-tio̍h lí tsáu-tsīn thian-gâi
消瘦無成人
siau-sán bô-sîng lâng
到底阮有啥欠點
tàu-té gún ū siánn khiàm-tiám
有啥物缺項
ū siánn-mih khuat-hāng
為怎樣將阮來放
uī-tsuánn-iūnn tsiong gún lâi pàng
害阮每日望
hāi gún muí-ji̍t bāng
思念著心愛的人
su-liām tio̍h sim-ài ê lâng
強欲吼出來
kiōng-beh háu–tshut-lâi
雖然阮受風受雨
sui-jiân gún siū-hong siū-hōo
阮也欲等待
gún iā beh tán-thāi
忍耐著傷心目屎
jím-nāi tio̍h siong-sim ba̍k-sái
毋願來悲哀
m̄-guān lâi pi-ai
痛苦會啥人了解
thòng-khóo ē siánn-lâng liáu kái
何日花再開
hô-ji̍t hue tsài khai
