順風駛船人人愛
《順風駛船人人愛》Sūn-hong Sái-tsûn Lâng-lâng Ài
黃瑞琪N̂g Suī-kî
——————————————
世間親像大戲臺
sè-kan tshin-tshiūnn tuā hì-tâi
苦齣笑詼攏公開
khóo-tshut tshiò-khue lóng kong-khai
一生一人演一擺
it-sing tsi̍t-lâng ián tsi̍t-pái
本事攏嘛愛提出來
pún-sū lóng-mā ài the̍h–tshut-lâi
世間過日像眠夢
sè-kan kuè-ji̍t tshiūnn bîn-bāng
○○○○攏相仝
???? lóng sio-kāng
實在人無千日好
si̍t-tsāi lâng bô tshian-ji̍t hó
看來花嘛無百日紅咿~
khuànn–lâi hue mā bô pah-ji̍t-âng–ih~
火若咧炎是無啊偌久
hué nā teh iām sī bô–ah guā-kú
火炭燒過就變火烌
hué-thuànn sio–kuè tiō piàn hué-hu
世間萬項大小事
sè-kan bān-hāng tuā-sió sū
未曾想贏著愛想輸
buē-tsîng siūnn iânn tio̍h-ài siūnn su
今日好運是水流東
kim-ji̍t hó-ūn sī tsuí lâu-tang
明日失敗水流西
bîng-ji̍t sit-pāi tsuí lâu-sai
順風駛船是人啊人啊愛
sūn-hong sái-tsûn sī lâng–ah lâng–ah ài
逆風波浪最悲哀
gi̍k-hong pho-lōng tsuè pi-ai
頭上三寸有啊神明
thâu-siōng sann-tshùn ū–ah sîn-bîng
做人毋通傷啊酷刑
tsuè-lâng m̄-thang siunn–ah khok-hîng
為非亂做是亂啊心性
uî-hui luān-tsuè sī luān–ah sim-sìng
地獄界址是過一爿
tē-ga̍k kài-tsí sī kè tsi̍t-;pîng
咱好嘛著愛別人好
lán hó mā tio̍h-ài pa̍t-lâng hó
世間暫時來啊𨑨迌
sè-kan tsiām-sî–ah lâi tshit-thô
有因有果行正道
ū in ū kó hîng tsìng-tō
善惡報應毋是無
siān-ok pò-ìng m̄-sī bô
虧心代誌若敢做
khui-sim tāi-tsì nā kánn tsò
暗中恐驚罪難逃
àm-tiong khióng-kiann tsuē lân tô
