何必心事重
《何必心事重》Hô-pit Sim-sū Tāng
高向鵬Ko Hiòng-phîng
——————————————
何必心事重
hô-pit sim-sū tāng
毋免空怨嘆
m̄-bián khang uàn-thàn
有心想欲親像人
ū-sim siūnn-bueh tshin-tshiūnn lâng
著愛認真去討趁
tio̍h-ài jīn-tsin khì thó-thàn
空思夢想心茫茫
khang-su bāng-sióng sim bâng-bâng
看著工課跤手懶
khuànn-tio̍h khang-khuè kha-tshiú lán
朋友啊
pîng-iú–ah
這款的人無希望
tsit khuán ê lâng bô hi-bāng
醉生夢死一世人
tsuì-sing bāng-sí tsi̍t-sì-lâng
想欲會成人
siūnn-bueh ē tsiânn-lâng
著愛肯振動
tio̍h-ài khíng tín-tāng
事事毋通驚困難
sū-sū m̄-thang kiann khùn-lân
一步一步照起工
tsi̍t-pōo-tsi̍t-pōo tsiàu-khí-kang
一箍兩箍加減趁
tsi̍t-khoo nn̄g-khoo ke-kiám thàn
毋通放蕩頭一層
m̄-thang hòng-tōng thâu tsi̍t-tsân
朋友啊
pîng-iú–ah
成功的時
sîng-kong ê sî
心輕鬆
sim khin-sang
勤儉的人
khîn-khiām ê lâng
有希望
ū hi-bāng
