親情爸母愛
《親情爸母愛》Tshin-tsîng Pē-bú-ài
高向鵬Ko Hiòng-phîng
——————————————
毋管炎天赤日頭
m̄-kuán iâm thinn tshiah ji̍t-thâu
滿身汗那流
muá-sin kuānn ná lâu
毋驚透早露水厚
m̄-kiann thàu-tsá lōo-tsuí kāu
霜風冷冷也著走
sng-hong líng-líng iā tio̍h tsáu
為囝少年做到老
uī kiánn siàu-liân tsuè kah lāu
犧牲也無計較
hi-sing iā bô kè-kàu
上驚苦心付水流
siōng kiann khóo-sim hù tsuí lâu
望囝會出頭
bāng kiánn ē tshut-thâu
甜的留咧予囝啉
tinn–ê lâu leh hōo kiánn lim
苦的自己啉
khóo ê tsū-kí lim
自己身軀無要緊
tsū-kí sin-khu bô-iàu-kín
毋甘予囝傷心身
m̄-kam hōo kiánn siong sim-sin
有時心酸嘛著忍
ū-sî sim sng mā tio̍h jím
為囝來費心神
uī kiánn lâi huì sim-sîn
望囝將來有寸進
bāng kiánn tsiong-lâi ū tshùn-tsìn
安慰伊的心
an-uì i ê sim
