新娘的祕密
《新娘的祕密》Sin-niû ê Pì-bi̍t
張素綾Tiunn Sòo-lîng
——————————————
真濟人圍來看著
tsin tsuē lâng uî lâi khuànn–tio̍h
一个小姐欲出嫁
tsi̍t-ê sió-tsiá bueh tshut-kè
小姐是這个鄉村
sió-tsiá sī tsit ê hiong-tshuan
算做上美麗
sǹg-tsò siōng bí-lē
少年家真濟个
siàu-liân-ke tsin tsē ê
哈~對伊心痴迷
hah~ tuì i sim tshi-bê
對伊心痴迷
tuì i sim tshi-bê
到今日逐家才知
kàu kim-ji̍t ta̍k-ke tsiah tsai
已經佮人做好勢
í-king kah lâng tsuè hó-sè
彼个幸福的新人
hit ê hīng-hok ê sin-lâng
毋知佗一个
m̄-tsai tó tsi̍t-ê
啊毋知佗一个
ah m̄-tsai tó tsi̍t-ê
聽起來這个小姐
thiann–khí-lâi tsit ê sió-tsiá
心愛的人有一个
sim-ài ê lâng ū tsi̍t-ê
因為是小姐爸爸
in-uī sī sió-tsiá pá-pah
看人無目地
khuànn lâng bô ba̍k-tē
今日也來這位
kim-ji̍t iā lâi tsit uī
哈~實在真狼狽
hah~ si̍t-tsāi tsin liông-puē
實在真狼狽
si̍t-tsāi tsin liông-puē
雖然伊當做運命
sui-jiân i tòng-tsuè ūn-miā
毋敢對人來怨慼
m̄-kánn tuì lâng lâi uàn-tsheh
看著這款的場面
khuànn-tio̍h tsit khuán ê tiûnn-bīn
猶原頭犁犁
iu-guân thâu luê-luê
猶原頭犁犁
iu-guân thâu luê-luê
穿一領新娘禮服
tshīng tsi̍t-niá sin-niû lé-ho̍k
真正合身好體態
tsin-tsiànn ha̍p-sin hó thé-thài
陪伴著彼个新人
puê-phuānn tio̍h hit ê sin-lâng
慢慢行出來
bān-bān kiânn–tshut-lâi
新人是踮佗位
sin-lâng sī tiàm tó-uī
哈~逐家無熟似
hah~ ta̍k-ke bô si̍k-sāi
逐家無熟似
ta̍k-ke bô si̍k-sāi
忽然間炮聲響亮
hut-jiân-kan phàu-siann hiáng-liāng
兩人走入包車內
nn̄g-lâng tsáu ji̍p pau-tshia lāi
彼个幸福的新人
hit ê hīng-hok ê sin-lâng
啊滿面笑咍咍
ah muá-bīn tshiò-hai-hai
啊滿面笑咍咍
ah muá-bīn tshiò-hai-hai
