行船人的戀情
《行船人的戀情》Kiânn-tsûn-lâng ê Luân-tsîng
甘奇靈Kam Kî-lîng
——————————————
叫聲心愛的人
kiò siann sim-ài ê lâng
再會再會啦
tsài-huē tsài-huē–lah
船螺聲聲
tsûn-lê siann-siann
催咱分東西
tshui lán hun tang-sai
袂當時常來做陣
buē-tàng sî-siông lâi tsuè-tīn
總是命運的安排
tsóng–sī miā-ūn ê an-pâi
惜別的目屎
sioh-pia̍t ê ba̍k-sái
只有吞腹內
tsí-ū thun pak-lāi
你咱真心相對待
lí lán tsin-sim sio tuì-thāi
迫咱分開不應該
pik lán hun-khui put-ing-kai
行船人行船人
kiânn-tsûn-lâng kiânn-tsûn-lâng
等你船隻閣再來
tán lí tsûn-tsiah koh-tsài lâi
叫聲心愛的人
kiò siann sim-ài ê lâng
再會再會啦
tsài-huē tsài-huē–lah
望你順風
bāng lí sūn-hong
平安出大海
pîng-an tshut tuā-hái
你若對阮來有情
lí nā tuì gún lâi ū-tsîng
勇敢拍拚才應該
ióng-kám phah-piànn tsiah ing-kai
毋通來為阮
m̄-thang lâi uī gún
操心佮關懷
tshau-sim kah kuan-huâi
無論三年抑五載
bô-lūn sann-nî ia̍h gōo-tsài
真心為你來等待
tsin-sim uī lí lâi tán-thāi
行船人行船人
kiânn-tsûn-lâng kiânn-tsûn-lâng
等你船隻閣再來
tán lí tsûn-tsiah koh-tsài lâi
