港口船螺聲
《港口船螺聲》Káng-kháu Tsûn-lê-siann
七郎Tshit-lông
——————————————
哈~我抱著滿腹希望
hah~ guá phō tio̍h muá-pak hi-bāng
船隻連鞭倒轉來
tsûn-tsiah liâm-mi tò-tńg–lâi
哈~踮海上為你拍拚
hah~ tiàm hái-siōng uī lí phah-piànn
你敢全然攏毋知
lí kám tsuân-jiân lóng m̄-tsai
為著咱幸福將來
uī-tio̍h lán hīng-hok tsiong-lâi
暫時佮你分東西
tsiām-sî kah lí hun tang-sai
寂寞的心情
tsi̍k-bo̍k ê sim-tsiânn
有時感覺真無奈
ū-sî kám-kak tsin bô-nāi
向著大海
hiòng tio̍h tuā-hái
叫著心愛
kiò tio̍h sim-ài
行船男兒袂變歹
kiânn-tsûn lâm-jî buē piàn pháinn
純情的心肝
sûn-tsîng ê sim-kuann
相信你嘛知
siong-sìn lí mā tsai
哈~我懷念咱的過去
hah~ guá huâi-liām lán ê kuè-khì
糖甘蜜甜的情愛
thn̂g-kam bi̍t-tinn ê tsîng-ài
哈~不得已離開心愛
hah~ put-tik-í lī-khui sim-ài
才來行船走天涯
tsiah lâi kiânn-tsûn tsáu thian-gâi
為著咱幸福將來
uī-tio̍h lán hīng-hok tsiong-lâi
暫時佮你分東西
tsiām-sî kah lí hun tang-sai
寂寞的心情
tsi̍k-bo̍k ê sim-tsîng
有時感覺真無奈
ū-sî kám-kak tsin bô-nāi
向著港岸
hiòng tio̍h káng-huānn
看著心愛
khuànn-tio̍h sim-ài
有你形影咧等待
ū lí hîng-iánn teh tán-thāi
港口船螺聲
káng-kháu tsûn-lê-siann
伴我倒轉來
phuānn guá tò-tńg–lâi
哈~咱已分開年半
hah~ lán í hun-khui nî-puànn
今日平安倒轉來
kim-ji̍t pîng-an tò-tńg–lâi
哈~心愛的遮爾關懷
hah~ sim-ài–ê tsiah-nī kuan-huâi
流出歡喜的目屎
lâu tshut huann-hí ê ba̍k-sái
為著咱幸福將來
uī-tio̍h lán hīng-hok tsiong-lâi
暫時佮你分東西
tsiām-sî kah lí hun tang-sai
寂寞的心情
tsi̍k-bo̍k ê sim-tsîng
有時感覺真無奈
ū-sî kám-kak tsin bô-nāi
船隻靠岸
tsûn-tsiah khò-huānn
伴著心愛
phuānn tio̍h sim-ài
脫離相思的苦海
thuat-lî siunn-si ê khóo-hái
重逢的歌聲
tiông-hông ê kua-siann
做陣唱出來
tsuè-tīn tshiùnn–tshut-lâi
