萬里追情
《萬里追情》Bān-lí Tui Tsîng
袁小迪Uân Sió-ti̍k
——————————————
有人講阮是一个
ū-lâng kóng gún sī tsi̍t-ê
多情多義的男兒
to-tsîng to-gī ê lâm-jî
無論是大風大雨
bô-lūn sī tuā-hong tuā-hōo
袂當阻礙阮意志
bē-tàng tsóo-gāi gún ì-tsì
目的是為著心愛伊
bo̍k-ti̍k sī uī-tio̍h sim-ài i
到處來漂漂去
tò-tshù lâi phiau-phiau–khì
↓↓—(口白)—↓↓
啊~攏是為著你啦
ah~ lóng-sī uī-tio̍h lí–lah
↑↑—(口白)—↑↑
毋管路途千萬里
m̄-kuán lōo-tôo tshian-bān-lí
抑是遠拄天
ia̍h-sī hn̄g tú-thinn
為情為愛
uī tsîng uī ài
毋驚一切生佮死
m̄-kiann it-tshè sinn kah sí
為仁為義嘛是為著伊
uī jîn uī gī mā sī uī-tio̍h i
予人來叫阮就是啊
hōo-lâng lâi kiò gún tsiū-sī–ah
多情的男兒
to-tsîng ê lâm-jî
有時陣予阮想起
ū-sî-tsūn hōo gún siūnn-khí
昔日兩人糖蜜甜
sik-ji̍t nn̄g-lâng thn̂g-bi̍t-tinn
迷人的伊的笑容
bê-lâng ê i ê tshiò-iông
伴阮孤單心稀微
phuānn gún koo-tuann sim hi-bî
他鄉的日落黃昏時
thann-hiong ê ji̍t-lo̍h hông-hun sî
更加阮來想伊
kìng-ka gún lâi siūnn i
↓↓—(口白)—↓↓
啊~總是為著你啦
ah~ tsóng-sī uī-tio̍h lí–lah
↑↑—(口白)—↑↑
只有秋風
tsí-ū tshiu-hong
了解著男兒的情意
liáu-kái tio̍h lâm-jî ê tsîng-ì
為情為愛
uī tsîng uī ài
毋驚一切生佮死
m̄-kiann it-tshè sinn kah sí
為仁為義嘛是為著伊
uī jîn uī gī mā sī uī-tio̍h i
予人來叫阮就是啊
hōo-lâng lâi kiò gún tsiū-sī–ah
多情的男兒
to-tsîng ê lâm-jî
