真心交予天看
《真心交予天看》Tsin-sim Kau Hōo Thinn Khuànn
袁小迪Uân Sió-ti̍k
——————————————
誰講這是愛
siáng kóng tse sī ài
為何遮爾無奈
uī-hô tsiah-nī bô-nāi
早知這是傷害
tsá tsai tse sī siong-hāi
何必閣再有美麗的期待
hô-pit koh-tsài ū bí-lē ê kî-thāi
啊~醉在這種
ah~ tsuì tsāi tsit-tsióng
茫茫渺渺的雲煙內
bông-bông-biáu-biáu ê hûn-ian lāi
咱已失去感情的存在
lán í sit-khì kám-tsîng ê tsûn-tsāi
這款疼痛
tsit khuán thiànn-thàng
只有燒酒來排解
tsí-ū sio-tsiú lâi pâi-kái
聲聲句句
siann-siann-kù-kù
講你會永遠愛我
kóng lí ē íng-uán ài guá
為何予我受盡了
uī-hô hōo guá siū-tsīn liáu
這款的風寒
tsit khuánn ê hong-kuânn
夢已破
bāng í phuà
情已散
tsîng í suànn
你已澈底拍碎我的心肝
lí í thiat-té phah-tshuì guá ê sim-kuann
聲聲句句
siann-siann-kù-kù
講你會永遠愛我
kóng lí ē íng-uán ài guá
為何予我受盡了
uī-hô hōo guá siū-tsīn liáu
這款的風寒
tsit khuánn ê hong-kuânn
含著目屎
kâm tio̍h ba̍k-sái
踮在窗外
tiàm-tsāi thang-guā
笑笑將我的真心
tshiò-tshiò tsiong guá ê tsin-sim
交予天看
kau hōo thinn khuànn
