大人啊後擺我毋敢
《大人啊後擺我毋敢》Tāi-jîn–ah Āu-pái Guá M̄-kánn
劉福助 Lâu Hok-tsōo
——————————————
杏仁茶啊杏仁茶
hīng-jîn-tê–ah hīng-jîn-tê
街頭巷尾四界踅
ke-thâu hāng-bué sì-kè se̍h
為著生活著愛賣
uī-tio̍h sing-ua̍h tio̍h-ài bē
看著警察著硞硞爬
khuànn-tio̍h kíng-tshat tio̍h kho̍k-kho̍k pê
啊摃破碗盤四五个
ah kòng-phuà uánn-puânn sì-gōo ê
共我叫去警察衙
kā guá kiò khì kíng-tshat-gê
雙跤著徛齊齊
siang-kha tio̍h khiā tsê-tsê
大人啊大人
tāi-jîn–ah tāi-jîn
後擺我毋敢咧
āu-pái guá m̄-kánn–leh
計程車啊計程車
kè-thîng-tshia–ah kè-thîng-tshia
大路小路駛咧行
tuā-lōo sió-lōo sái teh kiânn
違反交通載人客
uî-huán kau-thong tsài lâng-kheh
拄著警察真倒楣
tú-tio̍h kíng-tshat zhēn dǎoméi
叫去罰金毋免加講話
kiò khì hua̍t-kim m̄-bián ke-kóng-uē
開單三百無講價
khui-tuann sann-pah bô kóng-kè
啊傷心閣頭犁犁
ah siong-sim koh thâu luê-luê
大人啊大人
tāi-jîn–ah tāi-jîn
後擺我毋敢烏白踅
āu-pái guá m̄-kánn oo-pe̍h se̍h
烏肚媠啊烏肚䆀
oo-tóo-suí–ah oo-tóo-bái
街頭巷尾四界駛
ke-thâu hāng-bué sì-kè sái
妨害超速無照步來
hông-hāi tshiau-sok bô tsiàu-pōo-lâi
拄著警察真悲哀
tú-tio̍h kíng-tshat tsin pi-ai
叫我性命若欲愛
kiò guá sìnn-miā nā beh ài
應該著慢慢仔駛
ing-kai tio̍h bān-bān-á sái
初次無罰閣真佳哉
tshoo-tshù bô hua̍t koh tsin ka-tsài
後擺袂使亂亂來
āu-pái bē-sái luān-luān-lâi
大人啊大人
tāi-jîn–ah tāi-jîn
後擺我毋敢烏白駛
āu-pái guá m̄-kánn oo-pe̍h sái
