暗淡的愛
《暗淡的愛》Àm-tām ê Ài
林峰Lîm Hong
——————————————
傷心來離故鄉走天涯
siong-sim lâi lî kòo-hiong tsáu thian-gâi
無理解爸母
bô lí-kái pē-bú
阻礙阮情愛
tsóo-gāi gún tsîng-ài
講伊是散赤的人
kóng i sī sàn-tshiah ê lâng
迫阮分東西
pik gún hun tang-sai
害著阮變成親像
hāi-tio̍h gún piàn-sîng tshin-tshiūnn
害著阮變成若親像
hāi-tio̍h gún piàn-sîng ná-tshin-tshiūnn
小船遇風颱
sió-tsûn bū hong-thai
初次的戀愛夢
tshoo-tshù ê luân-ài bāng
變水影
piàn tsuí-iánn
心愛的你
sim-ài ê lí
敢知阮心疼痛
kám tsai gún sim thiànn-thàng
一个人踮在異鄉
tsi̍t-ê-lâng tiàm-tsāi ī-hiong
怨嘆阮歹命
uàn-thàn gún pháinn-miā
爸母來誤阮前途
pē-bú lâi gōo gún tsiân-tôo
爸母來誤阮的前途
pē-bú lâi gōo gún ê tsiân-tôo
傷心哭出聲
siong-sim khàu tshut-siann
可憐阮無人來小同情
khó-liân gún bô-lâng lâi sió tông-tsîng
宛然是十字路頭
uán-jiân sī si̍p-jī-lōo-thâu
遇紅燈
bū âng-ting
這敢是你我雙人
tse kám-sī lí guá siang-lâng
前世做歹行
tsîng-sì tsuè pháinn-hīng
暗淡的一場戀夢
àm-tām ê tsi̍t-tiûnn luân-bāng
暗淡的一場初戀夢
àm-tām ê tsi̍t-tiûnn tshoo-luân-bāng
無望通完成
bô-bāng thang uân-sîng
