我的媽媽
《我的媽媽》Guá ê Má-mah
林涵霖Lîm Hâm-lîm
——————————————
細漢時予你牽掛
suèhàn sî hōo lí khian-kuà
為我添衫驚阮寒
uī guá thiam sann kiann gún kuânn
抱著我講毋免驚
phō tio̍h guá kóng m̄-bián kiann
媽媽雙手挺佇遐
má-mah siang-tshiú thánn tī hia
天未光著欲起床
thinn buē kng tio̍h-beh khí-tshn̂g
一生勤儉無怨恨
it-sing khîn-khiām bô uàn-hūn
你的目屎
lí ê ba̍k-sái
你的牽掛
lí ê khian-kuà
媽媽
má-mah
偉大才是你的名
uí-tāi tsiah-sī lí ê miâ
獻出一生的媽媽
hiàn-tshut it-sing ê má-mah
溫暖雙手
un-luán siang-tshiú
予我所有勇氣佮力量
hōo guá sóo-ū ióng-khì kah li̍k-liōng
媽媽流落的目屎
má-mah lâu–lo̍h ê ba̍k-sái
為阮換來
uī gún uānn lâi
一生的幸福
it-sing ê hīng-hok
