毋通放阮空思戀
《毋通放阮空思戀》M̄-thang Pàng Gún Khang Su-luân
楊彩藝Iûnn Tshái-gē
——————————————
等待夢中彼个人
tán-thāi bāng-tiong hit ê lâng
倚佇初戀的樓窗
uá tī tshoo-luân ê lâu-thang
夜霧霜冷心茫茫
iā-bū sng-líng sim bâng-bâng
雨水沃澹阮心房
hōo-tsuí ak-tâm gún sim-pâng
寂寞路燈伴阮夢
tsi̍k-bo̍k lōo-ting phuānn gún bāng
今生甘願為你等
kim-sing kam-guān uī lí tán
愛若性命
ài ná sìnn-miā
疼入心肝
thiànn ji̍p sim-kuann
毋通放阮空思戀
m̄-thang pàng gún khang su-luân
黃昏彼陣清涼雨
hông-hun hit-tsūn tshing-liâng hōo
引阮想著咱當初
ín gún siūnn-tio̍h lán tong-tshoo
今世重逢仝跤步
kim-sè tiông-hông kāng kha-pōo
牽手疼惜人生路
khan tshiú thiànn-sioh jîn-sing lōo
綿綿舊情放袂落
mî-mî kū-tsîng pàng buē-lo̍h
夜夜無眠鹹酸苦
iā-iā bô-bîn kiâm-sng-khóo
相思無藥
siunn-si bô io̍h
痴心上戇
tshi-sim siōng gōng
情鎖袂敨
tsîng só buē tháu
欲如何
bueh jû-hô
