雙雙
《雙雙》Siang-siang
呂雙雙Lū Song-song(廈門)
——————————————
金魚杯底藏水沬
kim-hî pue-té tshàng-tsuí-bī
踅來又踅去
se̍h-lâi iū se̍h-khì
一隻叫做傳奇
tsi̍t-tsiah kiò-tsuè Thuân-kî
一隻叫西施
tsi̍t-tsiah kiò Se-si
轟轟烈烈愛一回
hong-hong-lia̍t-lia̍t ài tsi̍t-huê
驚予人講閒話
kiann hōo-lâng kóng îng-uē
面青面紅足歹勢
bīn tshinn bīn âng tsiok pháinn-sè
鑽入石頭花
tsǹg-ji̍p tsio̍h-thâu hue
蝴蝶花園採芳味
ôo-tia̍p hue-hn̂g tshái phang-bī
飛來又飛去
pue-lâi iū pue-khì
一隻叫做牛郎
tsi̍t-tsiah kiò-tsuè Gû-nn̂g
一隻叫織女
tsi̍t-tsiah kiò Tsit-lí
恩恩愛愛攬做伙
un-un-ài-ài lám tsò-hué
毋驚予人講閒話
m̄-kiann hōo-lâng kóng îng-uē
一烏一白真四配
tsi̍t oo tsi̍t pe̍h tsin sù-phuè
姻緣早就註冊
in-iân tsá tiō tsù-tsheh
前世的輪迴
tsîng-sè ê lûn-huê
人講雙雙對對
lâng kóng siang-siang tuì-tuì
萬年富貴
bān-nî hù-kuì
愛啊愛相隨
ài–ah ài siong-suî
但願天下有情人
tān-guān thian-hā ū-tsîng-lâng
不離不棄
put-lî put-khì
世間男男女女
sè-kan lâm-lâm-lí-lí
如痴如醉
jû-tshi jû-tsuì
燕啊燕雙飛
iàn–ah iàn song-hui
祝福天下有緣的人
tsiok-hok thian-hā ū-iân ê lâng
夢中纏綿
bāng-tiong tînn-mî
