不該痴情
《不該痴情》Put-kai Tshi-tsîng
何曉婷Hô Hiáu-tîng(漳州)
——————————————
當初你捌講過
tong-tshoo lí bat kóng–kuè
會愛我一生一世
ē ài guá it-sing it-sè
如今起變卦
jû-kim khí piàn-kuà
變心愛著另一个
piàn-sim ài-tio̍h līng tsi̍t-ê
無講一句再會
bô kóng tsi̍t-kù tsài-huē
無講一句帶念的話
bô kóng tsi̍t-kù tài-liām ê uē
留落我像一个笑話
lâu lo̍h guá tshiūnn tsi̍t-ê tshiò-uē
當初我對你的愛情
tong-tshoo guá tuì lí ê ài-tsîng
會當予時間來證明
ē-tàng hōo sî-kan lâi tsìng-bîng
痴情全無用
tshi-tsîng tsuân bô-īng
你猶是選擇你的人生
lí iáu-sī suán-ti̍k lí ê jîn-sing
敢講伊對你的愛情
kám-kóng i tuì lí ê ài-tsîng
會當滿足你的虛榮
ē-tàng buán-tsiok lí ê hi-îng
若是
nā-sī
我會祝福你的人生
guá ē tsiok-hok lí ê jîn-sing
↓↓(口白)—(口白)↓↓
你敢知影
lí kám tsai-iánn
這段時間以來
tsit tuānn sî-kan í-lâi
我是按怎過的
guá sī-án-tsuánn kuè–ê
我看著你講過的話
guá khuànn-tio̍h lí kóng–kuè ê uē
行過咱鬥陣行過的路
kiânn kuè lán tàu-tīn kiânn–kuè ê lōo
如今這一切
jû-kim tse it-tshè
攏無可能閣重來
lóng bô khó-lîng koh tîng-lâi
哎~閣講也是無用
aih~ koh kóng iā-sī bô-iōng
我只能予你上好的祝福
guá tsí lîng hōo lí siōng-hó ê tsiok-hok
