快樂的歌聲
《快樂的歌聲》Khuài-lo̍k ê Kua-siann
張惠琦Tiunn Huī-kî(聿綾U̍t-lîng)
——————————————
快樂做陣行
khuài-lo̍k tsuè-tīn kiânn
雙人真心來做伴
siang-lâng tsin-sim lâi tsuè-phuānn
手牽手
tshiú khan-tshiú
唱出咱美妙的歌聲
tshiùnn-tshut lán bí-miāu ê kua-siann
溫暖的心肝
un-luán ê sim-kuann
光線照著雙人影
kng-suànn tsiò tio̍h siang-lâng iánn
溫柔風輕輕吹
un-jiû hong khin-khin tshue
心情像風飛
sim-tsîng tshiūnn hong pue
遊山玩水
iû-san uán-suí
滿山花開真正媠
muá-suann hue khui tsin-tsiànn suí
山頂海邊
suann-tíng hái-pinn
有咱行過的形影
ū lán kiânn–kuè ê hîng-iánn
歌聲笑聲
kua-siann tshiò-siann
伴奏著幸福快樂
phuānn-tsàu tio̍h hīng-hok khuài-lo̍k
幸福快樂的歌聲
hīng-hok khuài-lo̍k ê kua-siann
