慣勢
《慣勢》kuàn-sì
林采欣 Lîm Tshái-him
（原曲《習慣》，林采欣 ft. 米非Mify）
——————————————
慣勢你對我走
kuàn-sì lí tuì guá tsáu
歡喜時陣咇噗跳
huann-hí sî-tsūn phi̍h-pho̍k-thiàu
嘛慣勢你陪我𨑨迌陪我無聊
mā kuàn-sì lí puê guá tshit-thô puê guá bô-liâu
毋管春夏秋冬
m̄-kuán tshun hā tshiu tang
寒天大日頭
kuânn-thinn tuā ji̍t-thâu
你總是 佇跤邊 永遠綴我牢牢
lí tsóng-sī tī kha-pinn íng-uán tuè guá tiâu-tiâu
你的世界
lí ê sè-kài
我是上上上重要
guá sī siōng siōng siōng tiōng-iàu
你用一生來愛我
lí iōng it-sing lâi ài–guá
無人比我𠢕
bô lâng pí guá gâu
佇我的心內
tī guá ê sim-lāi
你毋但是小狗
lí m̄-nā sī sió-káu
是我的寶我的囝
sī guá ê pó guá ê kiánn
是一塊肉生佇心肝頭
sī tsi̍t tè bah senn tī sim-kuann-thâu
免驚我陪你到老
bián kiann guá puê lí kàu lāu
上好你嘛陪我變皺皺
siōng-hó lí mā puê guá pìnn liâu-liâu
