鹿港龍山寺
《鹿港龍山寺》Lo̍k-káng Liông-san-sī
昇遑Sing-hông
——————————————
有靈有聖鹿港龍山寺
ū-lîng ū-siànn Lo̍k-káng Liông-san-sī
一對石獅表情真正氣
tsi̍t-tuì tsio̍h-sai piáu-tsîng tsin tsìng-khì
歡歡喜喜提出阮誠意
huann-huann-hí-hí the̍h tshut gún sîng-ì
欲問心愛的佮阮的八字
beh mn̄g sim-ài–ê kah gún ê peh-jī
三欉清香恬恬來點起
sann-tsâng tshing-hiunn tiām-tiām lâi tiám-khí
香煙一絲一絲飛上天
hiunn-ian tsi̍t-si tsi̍t-si pue tsiūnn-thinn
菩薩怎樣毋肯出籤詩
phôo-sat tsuánn-iūnn m̄-khíng tshut tshiam-si
最後勉強笑桮來表示
tsuè-āu bián-kióng tshiò-pue lâi piáu-sī
啊~啊~ ah~ ah~
兩百年的老樹嘛吐大氣
nn̄g-pah nî ê lāu-tshiū mā thóo-tuā-khuì
笑阮緣份應該由天意
tshiò gún iân-hūn ing-kai iû thinn-ì
啊~啊~廟前的古井水若焦去
ah~ ah~ biō-tsîng ê kóo-tsínn-tsuí nā ta–khì
才來看破愛你的堅持
tsiah lâi khuànn-phuà ài lí ê kian-tshî
