看袂破
《看袂破》Khuànn Buē-phuà
吳大只Ngôo Tāi-tsí
——————————————
表面堅強心稀微
piáu-bīn kian-kiông sim hi-bî
過去誓言使人醉
kuè-khì sè-giân sú-lâng tsuì
如今只賰苦澀味
jû-kim tsí tshun khóo-siap bī
若毋是愛著較慘死
nā m̄-sī ài–tio̍h khah tshám sí
就袂傷心目屎滴
tiō buē siong-sim ba̍k-sái tih
你像一陣風飛沙
lí tshiūnn tsi̍t-tsūn hong-pue-sua
害阮的感情
hāi gún ê kám-tsîng
揣無愛的岸
tshuē-bô ài ê huānn
風若掃過
hong nā sàu–kuè
像刀刻阮心肝
tshiūnn to khik gún sim-kuann
淒涼寒夜捶心肝
tshe-liâng hân-iā tuî-sim-kuann
無情手段
bô-tsîng tshiú-tuānn
你攏用佇我
lí lóng iōng tī guá
恨阮自己定定看袂破
hūn gún tsū-kí tiānn-tiānn khuànn buē-phuà
敢講阮是一隻
kám-kóng gún sī tsi̍t-tsiah
得袂著愛的蝴蝶
tit buē-tio̍h ài ê ôo-tia̍p
到底阮該按怎
tàu-té gún kai án-tsuánn
將你來放煞
tsiong lí lâi pàng suah
