傷心的花蕊
《傷心的花蕊》Siong-sim ê Hue-luí
朱海城Tsu Hái-siânn(漳州)
——————————————
美麗的月娘
bí-lē ê gue̍h-niû
總是照阮孤一人
tsóng-sī tsiò gún koo tsi̍t-lâng
暗淡的路燈
àm-tām ê lōo-ting
揣無失落的情夢
tshuē-bô sit-lo̍h ê tsîng-bāng
是阮毋願將你放
sī gún m̄-guān tsiong lí pàng
毋願將你送別人
m̄-guān tsiong lí sàng pa̍t-lâng
到最後
kàu tsuè-āu
你將阮當做戇人
lí tsiong gún tòng-tsuè gōng-lâng
誰知捀起這杯酒
siáng tsai phâng khí tsit pue tsiú
阮的目箍已經紅
gún ê ba̍k-khoo í-king âng
是啥人予阮日思夜夢
sī siánn-lâng hōo gún ji̍t-su iā-bāng
紅花雖無百日紅
âng-hue sui bô pah-ji̍t âng
若是經過風雨淋
nā-sī king-kuè hong-hōo lâm
傷心的花蕊
siong-sim ê hue-luí
又閣欲離花欉
iū-koh beh lî hue-tsâng
