個性
《個性》Kò-sìng
王瑞霞Ông Suī-hâ
——————————————
有時雄雄鼻頭一酸
ū-sî hiông-hiông phīnn-thâu tsi̍t-sng
親像是檸檬無摻糖
tshin-tshiūnn sī lê-bóng bô tsham thn̂g
目屎強強忍不住的時陣
ba̍k-sái kiōng-kiōng jím put-tsū ê sî-tsūn
閣吞落去
koh thun–lo̍h-khì
這擺無算
tsit-pái bô-sǹg
將著堅強當做藥方
tsiong tio̍h kian-kiông tòng-tsuè io̍h-hng
治療著委屈的傷痕
tī-liâu tio̍h uí-khut ê siong-hûn
咬著喙脣
kā-tio̍h tshuì-tûn
拍拚改變命運
phah-piànn kái-piàn miā-ūn
鼓勵家己
kóo-lē ka-kī
幸福無遠
hīng-hok bô-hn̄g
這款倔強的個性
tsit khuán ku̍t-kiông ê kò-sìng
學你猶欠三分
o̍h lí iáu khiàm sann-hun
攑頭做人
gia̍h-thâu tsuè-lâng
細漢聽到這陣
sè-hàn thiann kah tsit-tsūn
佳哉樂觀的個性
ka-tsài lo̍k-kuan ê kò-sìng
遺傳你十分
uî-thuân lí tsa̍p-hun
笑笑過
tshiò-tshiò kuè
天總會光
thinn tsóng ē kng
