對你感心
《對你感心》Tuì Lí Kám-sim
黃金城N̂g Kim-sîng
——————————————
有情人踮世間
ū-tsîng-lâng tiàm sè-kan
用真心對待別人
iōng tsin-sim tuì-thāi pa̍t-lâng
阮是珍惜緣份
gún sī tin-sioh iân-hūn
才來佮你來相捌
tsiah lâi kah lí lâi sio-bat
人生路該遇的人
jîn-sing lōo kai bū ê lâng
註定來踮遮相等
tsù-tīng lâi tiàm tsia sio-tán
月娘圓
gue̍h-niû înn
咱也來行成雙
lán iā lâi kiânn sîng-siang
啊~感情伴
ah~ kám-tsîng phuānn
一站過了一站
tsi̍t-tsām kuè-liáu tsi̍t-tsām
欲揣彼粒心
beh tshuē hit lia̍p sim
咱會當倚相黏
lán ē-tàng uá sio-liâm
啊~會當知性
ah~ ē-tàng ti-sìng
溫柔體貼
un-jiû thé-thiap
共飲燒燒茶芳
kiōng ím sio-sio tê phang
愛毋免山珍海味滿滿
ài m̄-bián san-tin hái-bī buán-buán
今生我上愛的人
kim-sing guá siōng ài ê lâng
今世咱疼惜毋甘
kim-sè lán thiànn-sioh m̄-kam
互相照顧
hōo-siong tsiàu-kòo
手牽手到永遠
tshiú khan-tshiú kàu íng-uán
夕陽海邊
si̍k-iông hái-pinn
依倚雙雙
i-uá siang-siang
感謝著天來圓滿
kám-siā tio̍h thinn lâi uân-buán
對你感心
tuì lí kám-sim
陪阮這世間
puê gún tsit sè-kan
