請你毋通閣再哭
《請你毋通閣再哭》Tshiánn Lí M̄-thang Koh-tsài Khàu
黃西田N̂g Se-tiân
——————————————
請你毋通閣再哭
tshiánn lí m̄-thang koh-tsài khàu
毋通閣再目屎流
m̄-thang koh-tsài ba̍k-sái lâu
若是看你佇咧吼
nā-sī khuànn lí tī-teh háu
我的心肝亂操操
guá ê sim-kuann luān tshau-tshau
一切總是
it-tshè tsóng–sī
命運做對頭
miā-ūn tsuè tuì-thâu
咱才袂當好到老
lán tsiah buē-tàng hó kah-lāu
啊~悲歡離合的世情
ah~ pi-huan lî-ha̍p ê sè-tsîng
著愛看予透
tio̍h-ài khuànn hōo thàu
無論是怎樣傷心
bô-lūn sī tsuánn-iūnn siong-sim
猶原是無效
iu-guân sī bô-hāu
請你毋通閣怨嘆
tshiánn lí m̄-thang koh uàn-thàn
毋通閣再心苦痛
m̄-thang koh-tsài sim khóo-thàng
若是看你目箍紅
nā-sī khuànn lí ba̍k-khoo âng
我的心情真正亂
guá ê sim-tsîng tsin-tsiànn luān
一切總是
it-tshè tsóng–sī
命運來戲弄
miā-ūn lâi hì-lāng
悲傷也是無彩工
pi-siong iā-sī bô-tshái-kang
啊~為著無情的環境
ah~ uī-tio̍h bô-tsîng ê khuân-kíng
逼咱分西東
pik lán hun se-tang
兩人的甜蜜情愛
nn̄g-lâng ê tinn-bi̍t tsîng-ài
全部變成空
tsuân-pōo piàn-sîng khang
