愛你用性命
《愛你用性命》Ài Lí Iōng Sìnn-miā
陳英吉Tân Ing-kiat
——————————————
你我感情線
lí guá kám-tsîng-suànn
以為袂變卦
í-uî buē piàn-kuà
雄雄哪會拆散
hiông-hiông ná ē thiah-suànn
月娘笑我太戇膽
gue̍h-niû tshiò guá thài gōng-tám
愛甲毋知怎收煞
ài kah m̄-tsai tsuánn siu-suah
如今孤單親像
jû-kim koo-tuann tshin-tshiūnn
冷風鑽心肝
líng-hong tsǹg sim-kuann
我愛你用性命
guá ài lí iōng sìnn-miā
無論地裂抑崩山
bô-lūn tē-li̍h ia̍h pang-suann
當做你我的心
tòng-tsuè lí guá ê sim
已經相依倚
í-king siong i-uá
我愛你用性命
guá ài lí iōng sìnn-miā
已經無分你佮我
í-king bô-hun lí kah guá
為何未來的情路
uī-hô bī-lâi ê tsîng-lōo
各人行
koh-lâng kiânn
