怨恨傷心地
《怨恨傷心地》Uàn-hūn Siong-sim Tē
陳金浪Tân Kim-lōng(新加坡)
——————————————
孤單行到
koo-tuann kiânn kàu
紅燈的海墘
âng-ting ê hái-kînn
今夜又是雨微微
kim-iā iū sī hōo bî-bî
孤單行到
koo-tuann kiânn kàu
紅燈的海墘
âng-ting ê hái-kînn
看海又閣想著你
khuànn hái iū-koh siūnn-tio̍h lí
負心的你
hū-sim ê lí
離開阮身邊
lī-khui gún sin-pinn
過去嘛也有
kuè-khì mā iā ū
經過幾若年
king-kuè kuí-lō nî
啥物號做真情
siánn-mih hō-tsuè tsin-tsîng
啥物叫做袂分離
siánn-mih kiò-tsuè buē hun-lî
為何將伊放袂記
uī-hô tsiong i pàng-buē-kì
傷心行到紅燈的海墘
siong-sim kiânn kàu âng-ting ê hái-kînn
今夜又是雨微微
kim-iā iū sī hōo bî-bî
海風陣陣對面吹
hái-hong tsūn-tsūn tuì-bīn tshue
引阮頭頕垂
ín gún thâu tàm-tshuê
無恨天來無怨地
bô hūn thinn lâi bô uàn tuē
怨恨變成孤戀花
uàn-hūn piàn-sîng koo-luân hue
心愛為何遮久攏無批
sim-ài uī-hô tsiah kú lóng bô phue
夢中也無來相會
bāng-tiong iā bô lâi siong-huē
紅燈碼頭多變遷
âng-ting bé-thâu to piàn-tshian
如今變成傷心地
jû-kim piàn-sîng siong-sim tuē
海風冷冷吹胸前
hái-hong líng-líng tshe hing-tsîng
海鳥哭袂停
hái-tsiáu khàu buē-thîng
引阮想起早年前
ín gún siūnn-khí tsá-nî tsîng
為何遮不幸
uī-hô tsiah put-hīng
初戀的港墘
tshoo-luân ê káng-kînn
熱戀的海邊
jia̍t-luân ê hái-pinn
相親相愛在安平
siong-tshin siong-ài tsāi An-pîng
為啥物為啥物
uī-siánn-mih uī-siánn-mih
你來辜負阮一生
lí lâi koo-hū gún it-sing
啊~啊~啥人會來同情
ah~ ah~ siánn-lâng ē lâi tông-tsîng
痴情的男性
tshi-tsîng ê lâm-sìng
