望
《望》Bāng
莎賓娜大樂隊Sabrina Tuā-ga̍k-tuī
——————————————
前路茫渺的漫漫路程
tsîng-lōo bông-biáu ê bān-bān lōo-tîng
有時佇目前閃爍
ū-sî tī ba̍k-tsîng siám-sih
有時又如煙散開
ū-sî iū jû ian suànn-khui
不禁心僥疑
put-kim sim hiau-gî
同齊行向的終點
tâng-tsê kiânn hiòng ê tsiong-tiám
敢是仝一位
kám-sī kāng tsi̍t-uī
迒袂過的千尺懸牆
hānn bē-kuè ê tshian-tshioh kuân-tshiûnn
阻擋你我的視線
tsóo-tòng lí guá ê sī-suànn
我望啊望啊望
guá bāng–ah bāng–ah bāng
望啊望啊望
bāng–ah bāng–ah bāng
無底無明的萬丈深坑
bô-té bô-bîng ê bān-tn̄g tshim-khenn
是咱身在的彼片烏暗
sī lán sin tsāi ê hit phìnn oo-àm
我望啊望啊望
guá bāng–ah bāng–ah bāng
望啊望
bāng–ah bāng
吼甲無聲也用盡氣力
háu kah bô-siann iā iōng-tsīn khuì-la̍t
也是拍袂破
iā-sī phah bē-phuà
彼面名為意識形態的壁
hit bīn miâ uî ì-sik-hîng-thài ê piah
透袂出氣的鐵支窗仔
thàu buē-tshut khuì ê thih-ki-thang-á
困在相諍的櫳仔底
khùn tsāi sio-tsìnn ê lông-á-té
跤手被束縛
kha-tshiú pī sok-pa̍k
迒袂過的千尺懸牆
hānn buē-kuè ê tshian-tshioh kuân-tshiûnn
阻擋你我的視線
tsóo-tòng lí guá ê sī-suànn
我望啊望啊望
guá bāng–ah bāng–ah bāng
望啊望啊望
bāng–ah bāng–ah bāng
無底無明的萬丈深坑
bô-té bô-bîng ê bān-tn̄g tshim-khenn
是咱身在的彼片烏暗
sī lán sin tsāi ê hit phìnn oo-àm
我望啊望啊望
guá bāng–ah bāng–ah bāng
望啊望啊
bāng–ah bāng–ah
我意難平
guá ì lân pîng
是非烏白攏袂分明
sī-hui oo-pe̍h lóng bē hun-bîng
心肝頭掠袂定
sim-kuann-thâu lia̍h buē-tīng
吾心所寄望
ngôo sim sóo kià-bāng
是善良
sī siān-liông
是正義
sī tsìng-gī
佇烏暗中點光明
tī oo-àm tiong tiám kong-bîng
我用性命走揣
guá īng sènn-miā tsáu-tshuē
雺霧中希望的光線
bông-bū tiong hi-bāng ê kng-suànn
我掠啊掠啊掠
guá lia̍h–ah lia̍h–ah lia̍h
掠啊掠啊
lia̍h–ah lia̍h–ah
