手若是放開
《手若是放開》Tshiú Nā-sī Pàng-khui
邱芸子Khu Ûn-tsú
——————————————
冷冷雨水潑踮身邊
líng-líng hōo-tsuí phuah tiàm sin-pinn
夜半路燈帶著稀微
iā-puànn lōo-ting tài tio̍h hi-bî
悽冷霜風將阮吹醒
tshi-líng sng-hong tsiong gún tshue tshínn
痴情的人今夜佗位去
tshi-tsîng ê lâng kim-iā tó-uī khì
你毋是彼个原來的你
lí m̄-sī hit ê guân-lâi ê lí
我猶原遮爾痴
guá iu-guân tsiah-nī tshi
我的心肝綴你去
guá ê sim-kuann tuè lí khì
你煞予我愛甲心碎
lí suah hōo guá ài kah sim tshuì
手若是放開
tshiú nā-sī pàng-khui
你敢會將阮放袂記
lí kám ē tsiong gún pàng-buē-kì
將阮留踮悲情城市
tsiong gún lâu tiàm pi-tsîng siânn-tshī
手若是放開
tshiú nā-sī pàng-khui
愛佮運命做堆
ài kah ūn-miā tsuè-tui
痴情變成阮的名字
tshi-tsîng piàn-sîng gún ê miâ-jī
