愈想愈愛你
《愈想愈愛你》Jú Siūnn Jú Ài Lí
郭玟君Kueh Bûn-kun
——————————————
一張毋敢看的相片
tsi̍t-tiunn m̄-kánn khuànn ê siòng-phìnn
假影已經放袂記
ké-iánn í-king pàng-buē-kì
一个毋願拍開的願望
tsi̍t-ê m̄-guān phah–khui ê guān-bāng
留著你的名
lâu tio̍h lí ê miâ
有話想欲對你來講
ū uē siūnn-beh tuì lí lâi kóng
也是講予家己聽
iā-sī kóng hōo ka-kī thiann
窗外風雨拍踮心內
thang-guā hong-hōo phah tiàm sim-lāi
冷暖心酸啥人知
líng-luán sim sng siánn-lâng tsai
越頭看見行過的城市
ua̍t-thâu khuànn-kìnn kiânn–kuè ê siânn-tshī
陪伴阮的心
puê-phuānn gún ê sim
親像月圓照光身邊
tshin-tshiūnn gue̍h-înn tsiò-kng sin-pinn
思念化做咱的味
su-liām huà-tsuè lán ê bī
愈想愈愛你
jú siūnn jú ài lí
合掌來保庇
ha̍p-tsióng lâi pó-pì
花開無限時
hue khui bô-hān sî
