想發財買萬字
《想發財買萬字》Siūnn Huat-tsâi Bué Bān-jī
洪小凌Âng Sió-lîng(新加坡)
——————————————
想發財去買萬字
siūnn huat-tsâi khì bué bān-jī
未曾發財先了錢
bē-tsîng huat-tsâi sing liáu-tsînn
為著萬字
uī-tio̍h bān-jī
到處去求字
tò-tshù khì kiû jī
求神求鬼
kiû sîn kiû kuí
墓仔山都去
bōng-á-suann to khì
看別人著萬字
khuànn pa̍t-lâng tio̍h bān-jī
哪會遮福氣啊
ná ē tsiah hok-khì–ah
哪會遮容易
ná ē tsiah iông-ī
為何阮的字
uī-hô gún ê jī
逢買都無開
hông bué to bô-khui
為何遮爾無公平
uī-hô tsiah-nī bô kong-pînn
別人著了
pa̍t-lâng tio̍h liáu
買風車洋樓
bué hong-tshia iûnn-lâu
買著是兩三位
bué-tio̍h sī nn̄g-sann uī
阮和安慰都無開
gún hām an-uì to bô-khui
逢開都跳字
hông khui to thiàu-jī
明知歹贏
bîng-tsai pháinn iânn
一心想欲著萬字
it-sim siūnn-beh tio̍h bān-jī
—
↓↓(口白)—(口白)↓↓
啊~人講一命二運三風水
ah~ lâng kóng it miā jī ūn sann hong-suí
我是佗一位咧毋對
guá sī tó tsi̍t-uī teh m̄-tuì
人買萬字
lâng bué bān-jī
是拜一開了閣紲拜四
sī pài-it khui liáu koh suà pài-sì
拜六著了閣禮拜順紲開
pài-la̍k tio̍h liáu koh lé-pài sīn-suà khui
阮是馬屎無一絲啊
gún sī bé-sái bô tsi̍t-si–ah
連馬屁嘛毋捌呸
liân bé-phuì mā m̄-bat phuì
