對我祝福
《對我祝福》Tuì Guá Tsiok-hok
許富凱Khóo Hù-khái
——————————————
分開的彼一工
hun-khui ê hit-tsi̍t-kang
雨恬恬咧落
hōo tiām-tiām teh lo̍h
咱啥物話攏無講
lán siánn-mih uē lóng bô kóng
目屎一滴一滴落
ba̍k-sái tsi̍t-tih-tsi̍t-tih lo̍h
分開的彼一工
hun-khui ê hit-tsi̍t-kang
天漸漸變烏
thinn tsiām-tsiām piàn oo
未來的路我看無
bī-lâi ê lōo guá khuànn-bô
嘛毋敢閣想
mā m̄-kánn koh siūnn
咱過去有偌快樂
lán kuè-khì ū guā khuài-lo̍k
愛
ài
行到最後
kiânn kàu tsuè-āu
情
tsîng
煞來變故
suah lâi piàn-kòo
是毋是愛用一場雨
sī-m̄-sī ài iōng tsi̍t-tiûnn hōo
洗清咱的過去
sé-tshing lán ê kuè-khì
夢才會結束
bāng tsiah ē kiat-sok
我淋著一个人的雨
guá lâm tio̍h tsi̍t-ê-lâng ê hōo
行過去咱行過的路
kiânn kuè-khì lán kiânn–kuè ê lōo
我拖著沉重的跤步
guá thua tio̍h tîm-tāng ê kha-pōo
只賰孤單
tsí tshun koo-tuann
伴著寂寞
phuānn tio̍h tsi̍k-bo̍k
我攬著兩个人的苦
guá lám tio̍h nn̄g-ê lâng ê khóo
心酸有話無人通講
sim sng ū uē bô-lâng thang kóng
世間有偌濟的失望
sè-kan ū guā-tsuē ê sit-bōng
最後只有對你
tsuè-āu tsí-ū tuì lí
對你祝福
tuì lí tsiok-hok
—
我淋著一个人的雨
guá lâm tio̍h tsi̍t-ê-lâng ê hōo
行過去咱行過的路
kiânn kuè-khì lán kiânn–kuè ê lōo
我拖著沉重的跤步
guá thua tio̍h tîm-tāng ê kha-pōo
只賰孤單
tsí tshun koo-tuann
伴著寂寞
phuānn tio̍h tsi̍k-bo̍k
我毋驚愛你有偌苦
guá m̄-kiann ài lí ū guā khóo
心酸就等時間回復
sim sng tiō tán sî-kan huê-ho̍k
既然行無仝款的路
kì-jiân kiânn bô kāng-khuán ê lōo
最後只有對你對我祝福
tsuè-āu tsí-ū tuì lí tuì guá tsiok-hok
