勸少年
《勸少年》Khǹg Siàu-liân
洪小凌Âng Sió-lîng(新加坡)
——————————————
愛開愛跋久就散
ài khai ài pua̍h kú tiō sàn
毋通講是無相干
m̄-thang kóng sī bô-siong-kan
金銀財寶若無制限
kim-gûn tsâi-pó nā bô tsè-hān
開盡生活就困難
khai-tsīn sing-ua̍h tiō khùn-lân
閣就困難
koh tiō khùn-lân
閣就困難喔
koh tiō khùn-lân–ooh
有人開了田煞賣
ū-lâng khai liáu tshân suah buē
啉酒喝拳嘛講笑話
lim-tsiú huah-kûn–mah kóng tshiò-uē
爽快頭先嘛艱苦尾
sóng-khuài thâu-sing–mah kan-khóo bué
無顧自己的面皮
bô-kòo tsū-kí ê bīn-phuê
啊的面皮
ah ê bīn-phuê
啊的面皮喔
ah ê bīn-phuê–ooh
↓—(女聲)—↓
各位好朋友
kok-uī hó-pîng-iú
歹囝著早收
pháinn-kiánn tio̍h tsá siu
景氣遮歹
kéng-khì tsiah pháinn
愛研究
ài gián-kiù
毋通全心想風流
m̄-thang tsuân-sim siūnn hong-liû
↑—(女聲)—↑
𨑨迌方法研究透
thit-thô hong-huat gián-kiù thàu
煙花查某是毋通交
ian-hua tsa-bóo sī m̄-thang kau
愛錢伊著用海口
ài tsînn i tio̍h iōng hái-kháu
錢了煞予伊笑戇猴
tsînn liáu suah hōo i tshiò gōng-kâu
閣笑戇猴
koh tshiò gōng-kâu
閣笑戇猴喔
koh tshiò gōng-kâu–ooh
真心查某真歹揣
tsin-sim tsa-bóo tsin pháinn tshuē
全島欲揣嘛無幾个
tsuân-tó beh tshuē mā bô kuí-ê
全是認錢揣人客
tsuân sī jīn tsînn tshē lâng-kheh
錢銀開了用喙花
tsînn-gûn khai liáu iōng tshuì-hue
啊用喙花
ah iōng tshuì-hue
啊用喙花喔
ah iōng tshuì-hue–ooh
↓—(女聲)—↓
花間迷魂壇
hue-king bê-hûn-tuânn
法術千萬般
huat-su̍t tshian-bān puann
看人閣用目尾看
khuànn lâng koh ēng ba̍k-bué khuànn
錢銀了就捶心肝
tsînn-gûn liáu tiō tuî-sim-kuann
↑—(女聲)—↑
勸恁風流眾兄弟
khǹg lín hong-liû tsìng hiann-tī
若欲𨑨迌著愛細膩
nā beh thit-thô tio̍h-ài sè-jī
查某若對咱好意
tsa-bóo nā tuì lán hó-ì
千萬毋通了戇錢
tshian-bān m̄-thang liáu gōng-tsînn
閣了戇錢
koh liáu gōng-tsînn
閣了戇錢喔
koh liáu gōng-tsînn–ooh
勸恁風流著反悔
khǹg lín hong-liû tio̍h huán-hué
毋通全心想採花
m̄-thang tsuân-sim siūnn tshái-hue
聽阮苦勸幾句話
thiann gún khóo-khǹg kuí-kù uē
毋信請教眾先輩
m̄-sìn tshíng-kàu tsiòng sian-puè
啊眾先輩
ah tsiòng sian-puè
啊眾先輩喔
ah tsiòng sian-puè–ooh
↓—(女聲)—↓
少年愛拖磨
siàu-liân ài thua-buâ
毋通愛奢華
m̄-thang ài sia-huâ
第一太太著愛娶
tē-it thài-thài tio̍h-ài tshuā
生囝傳孫規大拖
sinn-kiánn thuân-sun kui tuā-thua
