永遠永遠做伴
《永遠永遠做伴》Íng-uán Íng-uán Tsuè-phuānn
李天良Lí Thian-liông
——————————————
人生親像歌
jîn-sing tshin-tshiūnn kua
唱出阮心聲
tshiùnn-tshut gún sim-siann
雖然遇風雨
sui-jiân bū hong-hōo
嘛著為前途拍拚
mā tio̍h uī tsiân-tôo phah-piànn
每一个路段
muí tsi̍t-ê lōo-tuānn
只要有你陪伴
tsí-iàu ū lí puê-phuānn
面對啥物困難
bīn-tuì siánn-mih khùn-lân
咱嘛攏毋驚
lán mā lóng m̄-kiann
月光的暗暝
gue̍h-kng ê àm-mî
思念你的形影
su-liām lí ê hîng-iánn
想起過去的甜蜜
siūnn-khí kuè-khì ê tinn-bi̍t
可比春天花芳味
khó-pí tshun-thinn hue-phang-bī
無論分開有偌遠
bô-lūn hun-khui ū guā hn̄g
心連心
sim liân-sim
永遠永遠做伴
íng-uán íng-uán tsuè-phuānn
