我的天
《我的天》Guá ê Thinn
朋朋Pîng-pîng
——————————————
人生若失意
jîn-sing nā sit-ì
毋通怪命運來創治
m̄-thang kuài miā-ūn lâi tshòng-tī
落魄時
lo̍k-phik sî
親情朋友來相辭
tshin-tsiânn-pîng-iú lâi sio-sî
逐工醉生夢死
ta̍k-kang tsuì-sing bāng-sí
揣無知己
tshuē-bô ti-kí
恨我哪會遮爾狼狽
hūn guá ná ē tsiah-nī liông-puē
紙枋提來當做棉被
tsuá-pang the̍h-lâi tòng-tsuè mî-phuē
海湧的波浪伴阮
hái-íng ê pho-lōng phuānn gún
孤帆的滄桑
koo-phâng ê tshong-song
盤山過嶺
puânn-suann-kuè-niá
四界流浪
sì-kè liû-lōng
啊~衝衝衝
ah~ tshiong tshiong tshiong
啊~衝衝衝
ah~ tshiong tshiong tshiong
命運掌握佇你我手中
miā-ūn tsióng-ak tī lí guá tshiú-tiong
有骨氣重情重義
ū kut-khì tiōng-tsîng tiōng-gī
落塗八字是天予你
lo̍h-thôo peh-jī sī thinn hōo lí
我我
guá guá
我輸會起
guá su ē-khí
提出勇氣安慰家己
the̍h tshut ióng-khì an-uì ka-tī
衝衝
tshiong tshiong
衝出我的天
tshiong tshut guá ê thinn
