笑詼
《笑詼》Tshiò-khue
吳雨璇Ngôo Ú-suân
——————————————
故事都猶未開始
kòo-sū to iáu-buē khai-sí
我佮伊已經是過去
guá kah i í-king sī kuè-khì
猶袂赴我目一𥍉
iáu buē-hù guá ba̍k-tsi̍t-nih
就無去
tiō bô–khì
路燈猶原閃閃爍
lōo-ting iu-guân siám-siám-sih
彼段日子猶閣會記
hit tuānn ji̍t-tsí iáu-koh ē-kì
彼時傷心的我
hit-sî siong-sim ê guá
一時相信彼人是你
tsi̍t-sî siong-sìn he lâng sī lí
彼是一句笑話
he sī tsi̍t-kù tshiò-uē
永遠無變的愛
íng-uán bô-piàn ê ài
咒誓的海水猶未焦
tsiù-tsuā ê hái-tsuí iáu-buē ta
煞看著你佮別人
suah khuànn-tio̍h lí kah pa̍t-lâng
當咧互相意愛
tng-teh hōo-siong ì-ài
彼是一場笑詼
he sī tsi̍t-tiûnn tshiò-khue
落咧你的情海
lak teh lí ê tsîng-hái
看袂著石頭當咧爛
khuànn buē-tio̍h tsio̍h-thâu tng-teh nuā
你的白賊話
lí ê pe̍h-tsha̍t-uē
是我一生通盼的期待
sī guá it-sing ?? ê kî-thāi
空空虛虛的日子
khang-khang-hi-hi ê ji̍t-tsí
我親像花咧離枝
guá tshin-tshiūnn hue teh lî-ki
予舊人來放捒
hōo kū-lâng lâi pàng-sak
閣擲佇路邊
koh tàn tī lōo-pinn
咱兩人到遮為止
lán nn̄g-lâng kàu tsia uî-tsí
無要緊
bô-iàu-kín
這馬看清
tsit-má khuànn-tshing
雖然曾經的我
sui-jiân tsan-king ê guá
一時相信彼人是你
tsi̍t-sî siong-sìn he lâng sī lí
—
故事猶未開始
kòo-sū iáu-buē khai-sí
我佮伊是過去
guá kah i sī kuè-khì
猶袂赴我目一𥍉
iáu buē-hù guá ba̍k-tsi̍t-nih
路燈猶原閃閃爍
lōo-ting iu-guân siám siám-sih
這空虛的日子
tse khang-hi ê ji̍t-tsí
兩人到遮為止
nn̄g lâng kàu tsia uî-tsí
雖然曾經的我
sui-jiân tsan-king ê guá
一時相信彼人是你
tsi̍t-sî siong-sìn he lâng sī lí
是笑話是笑詼
sī tshiò-uē sī tshiò-khue
是我信彼个人是你
sī guá sìn hit ê lâng sī lí
